Իմ երազներում
Ինչ որ լինում է՝
Իմ ուզելով է։
Ուրեմն այսօր,
Ճիշտ կեսգիշերին՝
Երազիս արի։
30 օգոստոսի, 2017թ.
вторник, 29 августа 2017 г.
четверг, 24 августа 2017 г.
Գնա՜
Անցած ժամանակին
Ես պահ եմ տալիս
Միայն ժպիտը,
Ասած ջերմ խոսքը,
Սիրով համբույրը,
Մատների խաղը դողով մարմնական...,
Աչքերի փայլը,
Ու այն ամենը՝
Ինչի մեջ լույս կա ...
Իսկ սպասումը...
Այն ժամանակի
Կորուստ է իզուր։
Գնա՜...
Ետ առ
Ամեն ցավացրածդ րոպեն
Ու հետդ տա՜ր ...
среда, 23 августа 2017 г.
Այնքան իրական
Մեր զրույցների
Ընդմիջումերում՝
Համբույր էր,
Գգվանք,
Մատների խաղ էր,
Արյան եռք էր, կիրք...
Այնքան իրական,
Այնքա՜ն իրական...
пятница, 18 августа 2017 г.
Գիշերային
Գիշերն
Ակնկալում էր
Սիրո շշունջներ՝
Երբ եկավ իմ տուն։
Տեսավ՝ մենակ եմ,
Պինդ գրկեց մեջքս
Ու տարավ երկինք՝
Աստղեր հաշվելու...
Խո՜ր շնչեցի...
Փակեցի աչքերս,
Փարվեցի կրծքին
Ու անխոս տրվեցի մթությանը...
среда, 16 августа 2017 г.
Մտքերս…
Մտքերս ինձանից նեղացել՝
Մտքերս խռով են այսօր:
Մտքերս՝ ցաքուցիր, ամենուր,
Մտքերս ցրիվ են այսօր:
Մտքերս պիտի հավաքեմ,
Մտքերս շարեմ կողք՝ կողքի,
Մտքերս հոգուս հետ հաշտեցեմ,
Մտքերս ետ տամ հավատիս:
……………………………………………………
23 մայիսի, 2017թիվ
воскресенье, 13 августа 2017 г.
Լուռ գնացել ես
Մի «մնաս բարով»
Ասելն ի՞նչ է,
Դժվա՞ր էր միթե...
Իսկ ես՝ հիմարս,
Ամեն անկյունում
Ստվերդ եմ փնտրում:
пятница, 11 августа 2017 г.
Подписаться на:
Сообщения (Atom)