Սպասումի հիմքում

 ծվարել է հույսը։ 

Թեկուզ անցնեն

 օրեր, ամիս, 

թե՝ տարիներ։

Աղջամուղջից առաջ

 գիշերն է անպատճառ, 

իսկ դրանից հետո՝

 լուսաբաց է, արև։

Այստեղից էլ 

հույսն է  ծնունդ առնում 

ու դառնում՝ ապրելակերպ...

Սպասումը հույս է 

ու  թողեք 

այն ապրի։ 

20 հուլիսի, 2019թիվ               

Կեսգիշերային մտորումներ

Կեսգիշերն անց է։ 
Ամառվա տապը
 այս ժամին անգամ
 Կրակ է թափում ։

Քունս չի տանում։
Շարան են կապել  մտքերն առօրյա,
 բազմաբովանդակ, գունեղ,  պաթետիկ,
 որ երազանք են
 ու միշտ՝ անկատար ...

Տալիս֊առնում եմ. 
 հիշողությանս
 հարցերին բազում. 
 պատասխան չունեմ,
 կամ էլ ուշացած
 արդարացումներ,
 պատճառների դաշտ...

Դուրս գամ պատշգամբ,
 տաս աստղ հաշվեմ,
 ժպտամ լուսինին,
 շարանն մտքերիս ու հիշողությանն
 քամու թևին տամ ։ 

Կեսգիշերն անց է։

11 հուլիսի, 2019թ.