Ամեն առավոտ,
եթե ոչ առավոտ,
ապա կեսօրին
կամ մինչև մութն ընկնելը,
նաև կեսգիշերին,
մեր դուռն է թակում
ԹՇՎԱՌՈՒԹՅՈՒՆՆ
ու առանց հարցնելու
գալիս՝ նստում է ուսներիս,
թե՝ տարեք ինձ,
ես ձեր բեռն եմ ...
օֆֆֆ
четверг, 26 ноября 2020 г.
пятница, 20 ноября 2020 г.
четверг, 2 июля 2020 г.
воскресенье, 28 июня 2020 г.
воскресенье, 31 мая 2020 г.
пятница, 29 мая 2020 г.
Այսօր
ինքս՝ ինձ
հյուր էի եկել։
Սուրճը
սառած էր,
դեռ՝ առավոտից։
Թերթեցի
պահոցի
արձակն
ու չափածոն։
Հուզվեցի.
տարիներ,
տարիներ,
տարիներ...
Ինձ
չեք փոխել
բնավ։
Նույն
սիրահարվածն եմ
ու մի քիչ խելառը։
Հյուր
լինելը լավ է,
բայց պիտի
գնալ։
Շնորհակալ եմ
ինքս՝ ինձ
հիշողությունների,
վերապրումների,
նախընտրածս
սառած,
դառը սուրճի,
տրամադրության
համար։
30 մայիսի, 2020թվական
четверг, 28 мая 2020 г.
Արև ֊արև, ե՛կ, ե՛կ.
Հոգնել եմ անձրևի
Թաց կաթկթոցից,
Ամպերի գոռոցից,
Կայծակի ճայթյունից։
Արև֊արև, ե՛կ, ե՛կ
Քամին էլ է հոգնել
Դես ու դեն ընկնելուց,
Կորցրել է խեղճը
Ուղղությունն ընթացքի։
Արև֊արև, ե՛կ, ե՛կ.
Օրը կարոտել է
Ժպտուն մարդու քայլին,
Մանուկների խաղին,
Բակերի աղմուկին։
Արև֊արև, ե՛կ, ե՛կ.
Ամառվա տապը բեր
Կրակ թափիր վերից,
Քո հույսին ենք միայն՝
Քո հույսին ենք միայն՝
Այս վարակը վառիր։
29 մայիսի, 2020թվական
вторник, 26 мая 2020 г.
воскресенье, 24 мая 2020 г.
Վարար անձրև է,
երկար, սպասված,
ցանկալի ...
ու կարծես ծեծում,
բախում է
պատուհանիս ապակին,
թե՝
֊դուրս արի,
֊դուրս արի,
քեզ համար եմ գալիս,
արի լվանամ
հոգուդ իջած մռինջը,
հատու շիթերով
սանրեմ վարսերդ,
խաղաղություն
բերեմ մտքերիդ...
լուռ պատասխանում եմ՝
֊եթե դուրս գամ,
մարդիկ կասեն
որ գիժ եմ...
իսկ ես
հենց ԳԻ՜Ժ եմ,
գալի՜ս եմ...
суббота, 16 мая 2020 г.
Պեսիմիստական
Ցավին
Դու
ինձ հետ ապրիր.
քայլիր ու սնվիր,
քնիր, արթնացիր
որքան ուզում ես։
Ուժեղ լինելդ
մի կերպ կտանեմ
դեղ ու դարմանով,
նվնվոցով լուռ,
արցունքոտ աչքով,
սեղմած ատամով...
Միայն թե՝ հանկարծ
Ինձանից առաջ
չընկնես երբևէ.
որքան էլ տանջես՝
հետդ չտանե՛ս...
17 մայիսի 2020թ
воскресенье, 10 мая 2020 г.
Երբևէ հիշու՞մ ես ինձ
Մառախուղ էր,
միասին բարձրացանք բլուր.
հիշում եմ ամպը։
Եռանդուն շարժումներով
չոր փայտերով
փոքրիկ խարույկ վառեցիր.
հիշում եմ հևքդ։
Գրկեցիր մեջքս
ու նստեցինք քարին.
հիշում եմ տրոփը սրտիդ ։
Փչում էիր մազերիս
ու աննկատ համբուրում.
հիշում եմ շունչդ ։
Ձեռքերս առար
քո ավելի մեծ ձեռքերով
ու պարզեցիր կրակին.
հիշում եմ ջերմությունդ։
Շշնջում էիր,
սովոր, հազար անգամ լսած,
շատ ծանոթ խոսքեր էին.
զգում էի բառերդ։
Հիշեցրու
ի՞նչ էիր ասում,
շատ կարևոր է,
չէ՞ որ միասին էինք երազում։
10 մայիսի 2020թ.
суббота, 2 мая 2020 г.
воскресенье, 19 апреля 2020 г.
суббота, 11 апреля 2020 г.
воскресенье, 22 марта 2020 г.
Подписаться на:
Сообщения (Atom)