Արև ֊արև, ե՛կ, ե՛կ.
Հոգնել եմ անձրևի
Թաց կաթկթոցից,
Ամպերի գոռոցից,
Կայծակի ճայթյունից։
Արև֊արև, ե՛կ, ե՛կ
Քամին էլ է հոգնել
Դես ու դեն ընկնելուց,
Կորցրել է խեղճը
Ուղղությունն ընթացքի։
Արև֊արև, ե՛կ, ե՛կ.
Օրը կարոտել է
Ժպտուն մարդու քայլին,
Մանուկների խաղին,
Բակերի աղմուկին։
Արև֊արև, ե՛կ, ե՛կ.
Ամառվա տապը բեր
Կրակ թափիր վերից,
Քո հույսին ենք միայն՝
Քո հույսին ենք միայն՝
Այս վարակը վառիր։
29 մայիսի, 2020թվական
Комментариев нет:
Отправить комментарий