Այսօր երազում ես քեզ եմ տեսել...
հետաքրքիր է, ի˚նչ ես մտածում հիմա իմ մասին.
երևի սիրում, բայց էլ չեմ գալիս
որ հեռու˚ ես դու...
- Օ՜, ո՜չ, սիրելի՜ս,
հոգնել եմ քեզնից.
քո տեսքից, ձայնից, նույնիսկ նայվածքից...
չեմ ուզում լինել
քեզ համար տիկնիկ...
ուզում եմ ապրել ուրիշ մի կյանքով,
ուրիշին սիրել, ուրիշով տարվել
ու քեզ մոռանա՜լ, մոռանա՜լ ընդմիշտ...
բայց ու˚ր է ուրիշն, ուրիշը չկա...
ուրիշն ուրի՛շ է, հարազատ չէ՛ նա...
մնում ես դու իմ հիշողության մեջ,
բայց դու անցյալ ես, հեռավո՜ր, անդա՜րձ...

Այսօր երազում ես քեզ եմ տեսել.
սակայն դու չգաս... ես քեզ չեմ ուզում...

ապրիլ, 1980թ.

— իմ առաջին չափածո տողերից. ոչինչ փոխել չեմ ուզում