Ես եմ՝ ՍԵՐԸ




Սիրտդ բացի՛ր, ես եկել եմ,

Տեղ տուր այնտեղ ինձ, հոգի՛ս...

Գիտե՞ս, ով եմ.

Ես արցունքն եմ վճիտ աչքիդ,

Խոր հոգոցն ու հառաչանքն եմ,

Թույլ ճիչն եմ ես հոգուդ խորքից։

Մեղմ ժպիտն եմ, դյութիչ երգն եմ,

Տաք համբույրն եմ սառը շուրթիդ.։

Աստղիկն եմ ես երկնից իջած,

Արևի շող, ջերմություն եմ,

Կանաչ ծիլն ու բողբոջն եմ ես,

Ձնծաղիկն եմ ձյունից ծնված,

և վերջապես

Ես հավատդ եմ՝ գարնան շնչով...

Դե, սիրտդ բաց, ես եկել եմ.

Ես եմ՝ ՍԵՐԸ ...

օգոստոս, 2011թիվ