Արի, 

 ինչպես կարող ես. 

Ժպիտով ֊ անժպիտ, 

հանդարտ քայլքով, 

կամ՝ վազքով, 

սիրուն շորերով
կամ պատառոտված ջինսերով, 

մեկ է, մոդա է,

թեկուզ՝ չուզենալով։

Ծաղիկ մի բեր՝

ամեն անգամ
դրանք գցելիս վատ եմ զգում,

ա՛յ, շոկոլադ սիրում եմ, 

բոլորը չէ, 

բայց՝ սիրում եմ...

Չէ, չեմ մոռացել՝

 տարեդարձ է...

Արդեն եկել եմ։

դու միայն ընդառաջ արի,

նվեր ունեմ.

նյութական չի...

Ահհ... 

Չէ, ուրիշ սպասելիք չունեմ,

պետք չէ  այլևս,

միայն նվերը հանձնեմ,
ու...

Ասա ինձ՝
«ներիր, ստել եմ. 

 ստիպված,

հարկադրված, 

պատճառաբանված, 

... ելք էր» ...

Լավ չէ 

սպասեցնելը... 

կարծես մրսեցի, 

վերջիվերջո նոյեմբեր է, 

ցուրտ է... 

Դե՞... 

02 նոյեմբերի, 2017 թ.